2 Thumbs Up Disc

Special

DVD

少林足球加時賽

Departments

a

co-production

Special

________________________________________________

香港電影界龍蛇混雜，藝人歌影視三棲情況普遍，但不是個個明星都像華仔瓣瓣掂，視而優則影、影而優則歌。本文特別揭穿自以為掂但實則唔掂的電影人真面目。

1. 蘇永康 -《星願》
眾所週知，蘇永康自認音樂品味高人一等，擅唱Jazz、Soul等曲，在演唱會中用撚音講歌名《愛是這樣微妙》已表露其膚淺，後獲鄧特希重用，拍電視劇《一號皇庭》、《妙手仁心》等，將其扮o野性格深入民心，頓成師奶殺手。《星願》導演馬楚成看透此點，決使用康仔來飾演追求護士張柏芝的醫生。康仔以其假紳士風度，問張柏芝一句：「你覺得吹Saxophone是不是很扮o野？」觀眾雪亮眼睛下，早已想大聲叫「Yes！」。蘇永康，不愧影壇十大識穿之首。

片段1：「你覺得吹Saxophone是不是很扮o野？」 56K: \| 80K: \|	__	片段2：「順路」探張柏芝 (用撚音講) 56K: \| 80K: \|

片段3：「對唔住，我咁講可能對我地死左的朋友唔係咁尊重。」(懶紳士) 56K: \| 80K: \|		片段4：「在個人立場我真係好憎人你，但在醫生角角度睇你終係個病人，我唔想見到你冷親。」(懶大方，懶專業) 56K: \| 80K: \|

片段5：「我係個醫生，我唔會相信鬼神。」(兩樣野有乜關係？正如一個牧師唔會話：「我係個牧師，我唔會睇醫生！」) 56K: \| 80K: \|		片段6：「為在你的人身安全，我諗你暫時唔好見佢。」(1.通常差人先講「人身安全」，一般人少用；2. 如果條友真係危險成咁，就「幾時」都唔應該見佢，點止「暫時」？) 56K: \| 80K: \|

片段7：SHOWTIME- 吹sax扮野 56K: \| 80K: \|

2. 周華健 - 《紫雨風暴》
曾有「天王殺手」之稱的周華健，於九十年代中期殺入香港樂壇，與劉德華、郭富城等平起平座一年，但由於形象招積，星運漸趨坎坷。成龍大哥身為其摯友，一心助他翻身。《紫雨風暴》導演陳德森(該片由成龍投資)看中華健冷面笑匠的特殊喜劇感，大膽用他飾演一位有姿勢無實際的警探馬立，追捕由甘國亮飾演的赤柬分子「食客」。華健正氣凜然地大講無聊對白，令人捧腹。

「我係個好平凡好渺小的人，我反對墮胎、反對濫交、反對複製羊...」(講d自己都唔信o既o野，特別好笑？)

56K:

80K :

「唔係軍事手語，係...係...係聾啞手語！」(咁又點呢？)

_______________56K

______80K

「記住食客的e-mail和ICQ！」(得閒搵佢chet？)

56K:

80K :

「我們要以中環槍戰疑犯的名義，通緝多特同食客。」(用咩名義？捉就捉啦！)

56K:

80K :

「叫渠務署關掉所有水閘！」「叫消防署清理現場。」(咁救人唔係叫救傷車，叫醫管局啦。)

56K:

80K :

3. 元彪 - 《中華英雄》
元彪出道七十年代末，與成龍、洪金寶打江山，拍下《快餐車》、《福星》系列、《富貴列車》等賣座電影，後脫離師兄弟自行搵食，但由於演技有限，始終無法獨當一面。Solo作品如《急凍奇俠》、《六指琴魔》等均票房慘敗(《孔雀皇子》除外)。之後又不自量力，與李連杰爭做《黃飛鴻》男主角，結果被打落十八層地獄，永不超生。(試問年紀咁大的梁寬，點可以做主角，和關芝琳相襯？)99年在嘉禾大制作《中華英雄》飾演元武，欲憑此角起死回生，可惜電影本身糟糕。在編劇文雋安排下，元彪成為跟出跟入的大配角，要不是冇對白，要不就要諗大堆不文不武的廢話。最經典一句是對華劍雄(謝霆鋒飾)問：「那麼，聽罷你父親的英雄史，你可有什麼感想？」，連天不怕地不怕的霆鋒，都窒左半秒。究竟是元大俠記錯台詞，還是文編劇有意整蠱，同百慕達三角之謎一樣，無人能解。

片段1：拋窒霆鋒
56K:

80K:

片段2：大戰無敵—兩招
56K:

80K:

4. 任達華 - 《超級學校霸王》、《非常突然》
任達華出道早，在影視界浮沉廿幾多年，演出電視劇無數，如《家變》、《楚留香》等。九十年代中期正式全力進攻電影圈，但演出的角色不是黑幫大佬(如《灣仔之虎》、《濠江風雲》、《悍匪》)就是變態佬(如《羔羊醫生》)，或者舞男(《雞鴨戀》、《香港舞男》)。觀眾對Simon八十年代的 "Out" Look從未忘懷，所以角色比較局限。王晶導演看穿這點，決用華仔在《超級學校霸王》中扮演印度佬，意外地演出喜劇感，但似乎觀眾取笑Simon多過欣賞他的「幽默」。其後，在電視圈多年的游達志更將Simon懶有型性格徹底利用。在《非常突然》中讓黃卓菱篤爆他自以大受女士歡迎，拒絕他說：「鍾 sir，我想你誤會了，我喜歡的是另有其人。」然後鏡頭 cut 去Simon一副尷尬無奈的樣子，大快人心，完全唔似做戲！

非常突然
片段1：警局內，一派風度翩翩 56K: \| 80K: \|	__	片段2：用唔見銀包舊橋追女仔，被即場篤爆，更被下屬背後恥笑 56K: \| 80K: \|

片段3：衰過一鑊都唔驚，再次自作多情，誤會女下屬鍾情自己 56K: \| 80K: \|

超級學校霸王	__
片段1：廁所內噴火 56K: \| 80K: \|		片段2：火燒後欄 56K: \| 80K: \|

5. 蔡楓華 - 《兩個只能活一個》
又是游達志！這齣戲發生在楓華未再現、未發癲、未在傳媒面前失禮自已之前。游導演早已看清了蔡氏乞人憎、借債唔還的人格，決在廣大觀眾面前忘我地魚肉，把他打到變豬頭、亂槍掃射至死。唯獨此片票房失收，相信要一睹蔡楓華被人拆骨的精采片段，祗有此網。

片段1：扮傻佬 56K: \| 80K: \|		片段2：連環爆樽 56K: \| 80K: \|
	__
片段3：亂槍掃射 56K: \| 80K: \|

6. 陳百強 - 《秋天的童話》
陳百強給人的印象是乖乖仔，兩句唔埋就叫 Auntie o個隻、或懶係識打 golf、入 art museum、講藝術o個種。張婉婷、羅啟銳由於看透 Danny 的假 artsy feel，決定安排他作鍾楚紅的舊男友，在紐約一所唐人酒樓提出分手，說：「Woody Allen 講過，愛情像鯊魚，不向前行便會死掉。」周潤發隨即道：「阿倫唔係淨係話過這陷阱、這陷阱、偏我遇上咩？Bullshit!」一篤即爆，marvelous！

貪新忘舊
56K:

80K:

假仁假義
56K:

80K:

7. 馮德倫 - 《半支煙》
初出道與雷頌德組人見人憎組合—DRY，又參演幾部電影，建立了觀眾緣。外型所限，常演食軟飯的廢柴靚仔，離不開一副似笑非笑表情。葉錦鴻睇中Steven的喜劇感，請他在《半支煙》扮曾志偉(豹哥)年青時代，表面上十分英雄，實則負責搞笑。該段flash back極為漫畫化，加上有曾志偉形象先入為主，大家從未認真看待。只見Steven越刻意扮「型仔」，效果越惹笑。影片後半曾志偉陳惠敏再重演該段戲，笑料上是錦上添花，和巴西贏四比零定五比零一樣，分別不大。此片為Steven開了生路，造就他和李燦森一對搞笑活寶，後來在《特警2》再放異彩。事實上，世上靚仔成籮咁多，Steven要突圍而出，睇怕都要放低靚仔形象做笑星了。

上集：英明神武
56K:

80K:

下集：核突老套
56K:

80K:

8. 鄭中基 - 《十二夜》
前寶記太子爺鄭中基，以模仿學友唱腔聞名，當年憑著和學友合唱《左右為難》，真假難分地走紅。其故作有品味的打扮一度瘋魔香港樂迷，然而歌唱風格卻一直未能擺脫學友陰影，獨當一面。經過空中爆缸事件和寶記易主之後，聲勢已大不如前。此段拍攝於Ronald仍然好似好紅，意氣風發之時，飾演在情場上被飛的無辜傻仔，神態舉動都傻氣十足，盡現真性情。

無辜被飛 56K:

80K:

真相大白 56K:

80K:

9. 海俊傑 - 《孤男寡女》
當年憑俊朗外表和唱得較高key捧走新秀冠軍，此後在無線多部電視劇行行企企，繼而進入電影圈，在一系列古天樂主演的B級片當二打六，終於在《孤男寡女》吐氣揚眉，飾演鄭秀文賤格男友，負責把鄭秀文襯托成痴心可憐的愛情片女主角，活現「靚仔無本心」，令人相信，此君成功非僥倖。

刻薄女友
56K:

80K:

醜態百出
56K:

80K:

欺騙感情
56K:

80K:

10. 吳宇森 - 《喋血街頭》
吳大導喜愛在自己作品粉墨登場，客串警探。在90年《喋血街頭》化身六十年代超能幹探。主角張學友、梁朝偉剛殺了人，不到半句鐘吳探長便上門抓人，辦案效率其高，遠勝呂樂、藍剛、曹達華、司馬華龍。更奇是吳探長有特異功能，無證據、無審訊就說：「阿B(梁朝偉)在哪裏？我們知道他殺了人。」全世界最智勇雙全的警察也只可以懷疑某人是兇手，但吳探長卻可以不用證據就知道誰是兇手。唯一解釋：吳探長其實拿了劇本拉人，證據嘛，在劇本第27頁…呢d叫導演大哂，死未？
56K: | 80K: |

(註：導演大哂論前科可參考《八彩林亞珍》56K: | 80K: | )

get real player to view video samples

Back to special 主頁